Lyrics
الأيام زي امتحان
والنتايج بالميزان
كل واحد ليه معاد
لما بيؤون الأوان
واللي طالع فيها فوق
واللي طامع في الحقوق
بكرة يجي اليوم يفوق
دي الحياة، داين تدان
واللي ظلم الناس في إيده ماشي متعكز عليه
دوري يا دنيا عليه
وريه بعنيه
وقولي له محال الحال يدوم لو هو إيه
دوري يا دنيا عليه
وريه بعنيه
ده العمر حساب في كتاب، يشوف مكتوب له إيه
دنيا تلاهي تملّي تدور
دنيا ملاهي ومش بالدور
واللي بيشبط فيها بيحلم
إمتى تحن وياخد دور
بس هيعلا لغاية فين؟
برضو هينزل لكن فين؟
لما يشوف الناس من فوق
غيره بييجي عليه الدور
بالأيام اتغطى وناسي إن ساعتها بتعريه
دوري يا دنيا عليه
وريه بعنيه
وقولي له محال الحال يدوم لو هو إيه
دوري يا دنيا عليه
وريه بعنيه
ده العمر حساب في كتاب، يشوف مكتوب له إيه
قلب لكل الناس مفتوح
راضي برزقه وبالمسموح
تتبسم أيامه وتحلى علشان هي حلاوة روح
لكن وقت ما يطمع فيها حتى ترابها ما يملا عينيه
دوري يا دنيا عليه
وريه بعنيه
وقولي له محال الحال يدوم لو هو إيه
دوري يا دنيا عليه
وريه بعنيه
ده العمر حساب في كتاب، يشوف مكتوب له إيه
دوري يا دنيا عليه
وريه بعنيه
وقولي له محال الحال يدوم لو هو إيه
