歌词
خديني في حضنك اللي مليان شوك
ضميني و اكسري ضلوعي بحنانك
سميني بعطر شعرك المفكوك
دَوقيني المرار من فوق لسانك
و خلي الخصل تجلدني و تسيبي أثر
طلعي كرهك للبشر فيا و سيبيني
بين الحياة بين الممات اقتلي حلمي من سكات
و قوليلي فجأة الوقت فات
و اكرهيني
اكويني بنار عنيكي المكسورين
اصرخي همس الشيطان بصوت أنينك
ارويني بدمع عينك الحزين
ازرعي فعقلي سراب بيشوف حنينك
و امسحي دمي أنا
من على كتفك هنا
و ابعدي مليون سنة
و اهجريني
من غير ولا كلمة وداع
من غير ندم على حلم ضاع
ابقي اللي فجأة لوحده باع
و اكسريني
اكسريني
اكرهيني!
و خلي الخصل تجلدني و تسيبي أثر
طلعي كرهك للبشر فيا و سيبيني
بين الحياة بين الممات اقتلي حلمي من سكات
و قوليلي فجأة الوقت فات
و اكرهيني
اكرهيني
اكرهيني