Biografía
Hestoria
La Banda Gaites Villaviciosa -El Gaitero- ñació oficialmente nel añu 1986, formada por garrapiellu d'escolinos y escolines de la escuela de música tradicional que tiempu enantes echare a andar na capital manzanera José Angel Hevia, mayestru gaiteru y direutor de la Banda Gaites dende'l so entamu hasta l'añu 2001.
Nos sos 20 años d'existencia, la Banda Gaites Villaviciosa llevó la so música por tolos requexos d'Asturies y a numberosos puntos de la xeografía d'España, pero tamién a dellos paises d'Europa y América.
Ye la banda de gaites asturiana que más vegaes participó nel Festival Intercélticu de Lorient (Bretaña, Francia), nos años 1990, 1991, 1995, 2000 y 2005. Y tien fechas collaboraciones con artistes comu'l grupu pop "Amistades Peligrosas" y el propiu Hevia.
Anguaño
Anguaño ta formada por unes 25 persones dixebraes en dos seiciones, gaites ya percusion, onde s'alcuentren les caxes d'alta tensión, los timbales o tambores tenores ya'l bombu. Los sos direutores son xente bien rapazo, dao que tienen dambos daqué menos de 30 años, y son Martín Poladura, encargáu de la seición de gaites, ya Diego Purón encargáu de la seición de percusión.
Premios
* En 1993 ganó'l " I Concursu de Bandes de Gaites" entamáu pola Conseyería de Cultura.
* En 1994 y 1995 algamó'l primer puestu nel Concurso de Muestra y floclore Ciudad de Oviedo
* En 2001 algama el tercer llugar nel I Campeonatu de Bandes de Gaites asturianes entamáu pola Federación Internacional de Gaiteros Asturianos (FIGA). En 2002 algamará'l subcampeonatu xuntu cola Banda Gaites "Ribesella" y en 2003 na tercer, y ultima edición del campeonatu, el cuartu puestu.
* En 2005 ganen la XV Liga Galega de Bandas de Gaitas onde participen más de 125 formaciones de Galicia, Asturies, Portugal y España convirtiendose na primer banda non gallega que lo fai. Amás, nesta edición ganen el II Concurso de Cuerpos de Percusión con una puntuacion casi perfeuta de 38,5 puntos sobre 40.En 2006 ganen por segundu añu consecutivu la Lliga Gallega, asina comu les tres fases de que se compon dicha competicion. Coles victories nel campeonatu gallegu, el más importante de la peninsula, ye considerada la meyor banda gaites de la Peninsula Iberica.
Otres distinciones
* "Urugallo de Bronce" del Centru Asturianu de Madrid
* "Manzana de Plata" del Conceyu Villaviciosa.
Discografía
* "Badarkablar", (1993).
* "Gaiteros de Maquilán.La islla de piedra" (1995)
http://ast.wikipedia.org/wiki/Banda_Gaites_Villaviciosa_-El_Gaitero-
En Last.fm, cualquier usuario puede editar las descripciones de los artistas. ¡Contribuye cuando quieras!
Todos los textos de contribuciones de usuarios en esta página están bajo la Licencia Creative Commons Atribución-CompartirIgual; es posible que se apliquen condiciones adicionales.
