Biography
THE MOST WANTED rap band coming from Skopje, Macedonia.
Паралелно со Instant Beat, во 1991 год Аго ја оформува групата The Most Wanted. Најпрво таа фигурира само како име со една нумера позади неа, но по излегувањето на Аго од Instant Beat работите стануваат озбилни. Во почетокот на 1993 година Аго се запознава со Тец и заедно кај него продолжуваат да работат на музичкиот дел. Кон крајот на истата година Тец влегува во The Most Wanted. Првите нумери Аго и Тец се обидуваат да ги отсвират (Тhe Most Wanted и дел од Женски Феномени), но немањето на соодветна аудио опрема е причината што групата е приморена да се препушти на семплување. По работа од нецела година групата успева да го сними своето првенче насловено како “Пресудниот Ден”. Поради квалитетот на вокалите во 1995 година албумот беше пререцитиран во студиото на Слободан Таневски “Емитер” каде што и е дообработен од Скаф. Музиката е 8 бит - на работена кај Тец на компјутер Amiga 1200 а текстовите се напишани од Аго. Албумот “The Most Wanted – Пресудниот Ден“ е официјално објавен во 1995 година на касета и е Првиот Македонски Хип Хоп Албум. The Most Wanted станува икона на македонскиот рап и највлијателна група во тоа време. Албумот беше продаден за нецели два месеца. Како негови предводници беа сингловите Женски Феномени, За Нашата Раса, Неверувај Им На Кучките… Текстовите се експлицитни и директни, го покажуваат нивниот живот, бунтот кон секоја неправда без притоа да имаат влакно на јазик. Аго во тоа време заедно со Тец и The E (Ерол) ја оформува групацијата “Central Syndicate” (Централниот Синдикат) во која членуваат повеќе групи и артисти. Групата се растура во 1996 година на снимање на спотот за нумерата “Рап Hardcore -от Нема Никогаш Да Умре”.
Artist descriptions on Last.fm are editable by everyone. Feel free to contribute!
All user-contributed text on this page is available under the Creative Commons Attribution-ShareAlike License; additional terms may apply.
